Шеробод тумани ИИБ Пробация бўлими назорати остида турган шахслар иштирокида, туман Ички ишлар бўлими бошлиғи кубоги учун спорт мусобақалари ўтказилди.
Куни кеча, Шеробод туманининг 3-сектор ҳудуди “Чўйинчи” маҳалласида жойлашган янги спорт мажмуасида, туман Ички ишлар бўлими ҳамда туман Болалар ва ўсмирлар спорт мактаби билан ҳамкорликда Пробация бўлими назорати остида турган эркаклар ўртасида спортнинг мини-футбол, арқон-тортиш, тош-кўтариш ҳамда аёллар ўртасида эса шахмат-шашка, стол-теннис турлари бўйича мусобақа ташкил этилди.
Ташкил қилинган ушбу мусобақада, 45 нафардан ортиқ назорат остидаги шахслар иштирок этди. Мусобақа кўтаринки рухда ўтиб, жамоалар ўртасида биринчи, иккинчи ва учинчи ўринлар учун қизғин кураш олиб борилди.
Мусобақа якунида, вилоят Ички ишлар бошқармаси Пробация бўлими бошлиғи подполковник Ш.Ж.Саттаров, туман Ички ишлар бўлими бошлиғи подполковник Ў.Р.Шукуров, туман Ички ишлар органлари пробация гуруҳи катта инспектори майор А.А.Жўраев ва бошқа масъуллар ғолиб бўлган жамоаларга туман Ички ишлар бўлими бошлиғининг кубоги ва I-II-III даражали дипломи ва эсдалик совғаларини тантанали равишда топширишди.
Сурхондарё вилояти ИИБ Ахборот хизмати
