Сайёр қабул-муаммолар ечими!
Ҳудудларда Инсон қадрини улуғлаш ва аҳоли муаммоларини ўрганиш ҳамда уларни ижобий ҳал қилиш мақсадида, мунтазам сайёр қабуллар ўтказилиб келинмоқда.
Бугун, 12 август куни Шеробод тумани Ички ишлар бўлими бошлиғи, 3-сектор раҳбари подполковник Ў.Шукуров сектор ҳудудидаги “Меҳробод” маҳалласида бўлиб, ёшлар ва аҳоли вакиллари билан учрашув сайёр қабул ўтказди.
Унда сектор котиби, маҳалладаги бешлик, тегишли масъуллар, шунингдек, фуқаролар қатнашишди.
Сайёр қабулда қатор мурожаатлар келиб тушди. Айрим муаммолар манзилнинг ўзида ижобий ечим топган бўлса, қолган мурожаатлар тегишли масъулларга йўналтирилиб, ижроси назоратга олинди.
Шунингдек, қабул давомида келиб тушган масалалар бўйича сектор раҳбари томонидан мурожаат жойига чиқиб ўрганилди ҳамда амалга оширилиши лозим бўлган вазифалар белгилаб олинди.
