Sayyor qabul-muammolar yechimi!
Hududlarda Inson qadrini ulug‘lash va aholi muammolarini o‘rganish hamda ularni ijobiy hal qilish maqsadida, muntazam sayyor qabullar o‘tkazilib kelinmoqda.
Bugun, 12 avgust kuni Sherobod tumani Ichki ishlar bo‘limi boshlig‘i, 3-sektor rahbari podpolkovnik O‘.Shukurov sektor hududidagi “Mehrobod” mahallasida bo‘lib, yoshlar va aholi vakillari bilan uchrashuv sayyor qabul o‘tkazdi.
Unda sektor kotibi, mahalladagi beshlik, tegishli mas’ullar, shuningdek, fuqarolar qatnashishdi.
Sayyor qabulda qator murojaatlar kelib tushdi. Ayrim muammolar manzilning o‘zida ijobiy yechim topgan bo‘lsa, qolgan murojaatlar tegishli mas’ullarga yo‘naltirilib, ijrosi nazoratga olindi.
Shuningdek, qabul davomida kelib tushgan masalalar bo‘yicha sektor rahbari tomonidan murojaat joyiga chiqib o‘rganildi hamda amalga oshirilishi lozim bo‘lgan vazifalar belgilab olindi.
