Жорий йилнинг 9-октябр куни ИИВ Сурхондарё академик лицейида  психолог Х.М. Бекмуродова томонидан “Психологияда борлиқ қонунлари” мавзусида психологик семинар-тренинг ўтказилди.

Семинар-тренинг давомида иштирокчиларга борлиқ қонунлари тушунчаси, уларнинг инсон ҳаётидаги ўрни ва аҳамияти ҳақида батафсил маълумот берилди. Тренинг режаси асосида қуйидаги масалалар муҳокама қилинди:

1. Борлиқ қонунлари нима? — Мазкур қисмда борлиқ қонунларининг моҳияти ва инсон тафаккури билан боғлиқлиги тушунтирилди.

2. Борлиқнинг асосий қонунлари — Табиат, жамият ва инсон онгидаги ўзаро алоқадорлик, сабаб-оқибат ҳамда тизимлилик қонунлари мисоллар орқали изоҳланди.

3. Психогенетика тушунчаси — Инсоннинг руҳий ривожланишида генетик омиллар ва ирсиятнинг ўрни ҳақида сўз юритилди.

4. Сўзларнинг инсон ҳаётига таъсири — Нутқнинг психологик таъсири, ижобий ва салбий сўзларнинг инсон руҳиятига кўрсатадиган таъсири амалий машғулотлар орқали таҳлил қилинди.

 Тренинг якунида ўқувчилар ўз фикр-мулоҳазаларини билдириб, инсон психологиясида борлиқ қонунларини билиш ва улардан тўғри фойдаланиш ҳаётда муҳим аҳамиятга эга эканлигини таъкидладилар.