Ўзбекистон Республикаси Президентининг “2025 йилги Наврўз умумхалқ байрамига тайёргарлик кўриш ва уни ўтказиш тўғрисида” 2025 йил 21 февралдаги ПҚ-68-сон Қарори ҳамда Ички ишлар вазири томонидан 2025 йил 24 февраль куни тасдиқланган “Наврўз умумхалқ байрамига тайёргарлик кўриш ва уни ўтказиш мобайнида жамоат тартибини сақлаш, хавфсизликни таъминлаш борасида республика ички ишлар органлари томонидан амалга оширилиши лозим бўлган ташкилий ва амалий тадбирлар режа-дастури” ижросини  таъминлаш мақсадида, Сурхондарё вилояти ички ишлар органлари шахсий таркиби билан саф кўриги ва саф тайёргарлиги машғулотлари ўтказилди.

Саф кўригини ўтказиш давомида бириктирилган раҳбар ва масъул ходимлар томонидан шахсий таркибнинг белгиланган формали кийим-бошни ўрнатилган тартибда кийиб юриш қоидаларига амал қилиши, ташқи кўриниши, хизмат гувоҳномаларининг мавжудлиги ва табел қуролларининг бириктирилганлигига ҳамда уларнинг саф тайёргарлик даражасига алоҳида эътибор қаратилди. Саф кўригини ўтказиш давомида аниқланган камчиликларни ўз вақтида бартараф этиш юзасидан вилоят Ички ишлар органларининг барча раҳбарларига кўрсатмалар берилди.

Бундан ташқари, саф кўригида иштирок этган ходимларнинг саф тайёргарлик кўникмаларини ошириш мақсадида, сафдан чиқиш ва сафга қайтиш, ҳарбийча салом бериш ҳамда тантанали юриш усулларини мукаммал ўзлаштиришларига алоҳида эътибор қаратилиб амалий машғулотлар ўтказилди.

Бу каби тадбирлар вилоятнинг барча шаҳар-туман ИИБ ҳамда соҳавий хизматларида ташкил этилди.