O‘zbekiston Respublikasi Prezidentining “2025 yilgi Navro‘z umumxalq bayramiga tayyorgarlik ko‘rish va uni o‘tkazish to‘g‘risida” 2025 yil 21 fevraldagi PQ-68-son Qarori hamda Ichki ishlar vaziri tomonidan 2025 yil 24 fevral kuni tasdiqlangan “Navro‘z umumxalq bayramiga tayyorgarlik ko‘rish va uni o‘tkazish mobaynida jamoat tartibini saqlash, xavfsizlikni ta’minlash borasida respublika ichki ishlar organlari tomonidan amalga oshirilishi lozim bo‘lgan tashkiliy va amaliy tadbirlar reja-dasturi” ijrosini  ta’minlash maqsadida, Surxondaryo viloyati ichki ishlar organlari shaxsiy tarkibi bilan saf ko‘rigi va saf tayyorgarligi mashg‘ulotlari o‘tkazildi.

Saf ko‘rigini o‘tkazish davomida biriktirilgan rahbar va mas’ul xodimlar tomonidan shaxsiy tarkibning belgilangan formali kiyim-boshni o‘rnatilgan tartibda kiyib yurish qoidalariga amal qilishi, tashqi ko‘rinishi, xizmat guvohnomalarining mavjudligi va tabel qurollarining biriktirilganligiga hamda ularning saf tayyorgarlik darajasiga alohida e’tibor qaratildi. Saf ko‘rigini o‘tkazish davomida aniqlangan kamchiliklarni o‘z vaqtida bartaraf etish yuzasidan viloyat Ichki ishlar organlarining barcha rahbarlariga ko‘rsatmalar berildi.

Bundan tashqari, saf ko‘rigida ishtirok etgan xodimlarning saf tayyorgarlik ko‘nikmalarini oshirish maqsadida, safdan chiqish va safga qaytish, harbiycha salom berish hamda tantanali yurish usullarini mukammal o‘zlashtirishlariga alohida e’tibor qaratilib amaliy mashg‘ulotlar o‘tkazildi.

Bu kabi tadbirlar viloyatning barcha shahar-tuman IIB hamda sohaviy xizmatlarida tashkil etildi.