Муҳтарам  Президентимиз ташаббуслари билан олиб борилаётган ислоҳотлар натижасида, аҳолини муаммоларини ўрганиш ва уларга ижобий ечим топиш, фуқароларни бугунги кунидан рози қилиш мақсадида жойларда сайёр қабуллар ташкил этиб келинмоқда.

Ана шундай қабулларнинг навбатдагиси Музработ тумани Орият маҳалласидаги Педагогика коллежи биносида вилоят ҳуқуқни муҳофаза қилувчи органлар раҳбарлари тумандаги аҳолининг яшаш ҳамда турмуш шароитларини ўрганиш, мавжуд муаммоларни бартараф этиш мақсадида Сурхондарё вилояти ИИБ бошлиғининг “Сайёр қабули” ташкил этилди.

Ушбу сайёр қабулда туман сектор раҳбарлари, масъул корхона ва ташкилот  ходимлари фуқароларнинг тадбиркорлик фаолиятини йўлга қўйиш, электр энергияси ва газ таъминоти, моддий ёрдам олиш, контракт тўловини тўлаш, ишга тиклаш, соғлигини яхшилаш, пробация назорати ҳисобидан чиқариш, ички йўллар таъмири, терговга қадар текширув ва бошқа бир қатор масалалардаги элликка яқин мурожаатлари тингланди.

Мурожаатларнинг асосий қисми шу ернинг ўзида ижобий ҳал этилган бўлса, баъзи мурожаатлар юзасидан тушунтиришлар берилди. Ижросини ўрганиш учун қўшимча муддат талаб қиладиган мурожаатлар масъулларга йўналтирилиб, бошқарма бошлиғи томонидан алоҳида назоратга олинди.

Шунингдек “Сайёр қабул” якунида 16 ёшга тўлиши муносабати билан 4-нафар ўқувчи йигит-қизларга ID карталари бошқарма бошлиғи томонидан тантанали равишда топширилган бўлса, бир неча имконияти чекланган  фуқароларнинг мурожаати жойида ижобий ҳал этилиб уларга ногиронлик аравалари берилди.