Жорий йилнинг 13 июль куни вилоят ИИБ катта мажлислар залида вилоят ИИБ бошлиғи ўринбосари подполковник Шадиев Шерзод Файзуллаевич ҳузурида 2024 йилнинг 6 ойи давомида Маънавий-маърифий ишлар, кадрлар билан таъминлаш ҳамда жисмоний ва жанговар тайёргарлик йўналишида амалга оширилган ишлар йўл қўйилган хато ва камчиликлар ҳамда келгусида амалга оширилиши кўзда тутилган амалий чора-тадбирларга бағишланган танқидий руҳдаги йиғилиши бўлиб ўтди.

Йиғилишда маънавий-маърифий ишлар ва кадрлар билан таъминлаш хизмати хизмати бошлиғининг ўринбосарлари, шахсий таркиби, соҳавий хизматларнинг маънавий-маърифий ишларга масъул ходимлари, шаҳар-туман ИИБ бошлиқларининг маънавий-маърифий ишлар бўйича ўринбосарлари ҳамда кадрлар билан таъминлаш гуруҳи катта инспекторлари иштирок этди. 

Йиғилишда жорий йилнинг ўтган даври мобайнида хизмат ходимлари ҳамда жойлардаги масъуллар томонидан амалга оширилган ишлар ва йўл қўйилган хато-камчиликлар хизмат бошлиғининг ўринбосарлари томонидан йиғилиш қатнашчиларига ўқиб эшиттирилди.

Шундан сўнг, вилоят ИИБ бошлиғи ўринбосари подполковник Ш.Шадиев ва Ўзбекистон Республикаси ИИВ Шахсий хавфсизлик бош бошқармаси Сурхондарё вилояти бўйича бошқармаси масъул ходими томонидан йиғилиш иштирокчиларига бир қатор топшириқ ва таклифлар берилди. 

Йиғилиш сўнгида масъулларга берилган топшириқлар ижроси юзасидан белгиланган муддатларда ахборот берилиши тўғрисида таъкидлаб ўтилиб, ўзининг хизмат фаолияти давомида юқори натижаларга эришган раҳбар ва ходимлар навбатдаги унвон ва қимматбаҳо эсдалик совғалари билан бошқарма бошлиғи ўринбосари томонидан тақдирланди.