Ma’naviy-ma’rifiy ishlar, kadrlar bilan ta’minlash hamda jismoniy va jangovar tayyorgarlik yo‘nalishida amalga oshirilgan ishlar sarhisob qilindi.
Joriy yilning 13 iyul kuni viloyat IIB katta majlislar
zalida viloyat IIB boshlig‘i o‘rinbosari podpolkovnik Shadiev Sherzod Fayzullaevich
huzurida 2024 yilning 6 oyi davomida Ma’naviy-ma’rifiy
ishlar, kadrlar bilan ta’minlash hamda jismoniy va jangovar tayyorgarlik yo‘nalishida
amalga oshirilgan ishlar yo‘l qo‘yilgan xato va kamchiliklar hamda kelgusida
amalga oshirilishi ko‘zda tutilgan amaliy chora-tadbirlarga bag‘ishlangan tanqidiy
ruhdagi yig‘ilishi bo‘lib o‘tdi.
Yig‘ilishda ma’naviy-ma’rifiy ishlar va kadrlar
bilan ta’minlash xizmati xizmati boshlig‘ining o‘rinbosarlari, shaxsiy tarkibi,
sohaviy
xizmatlarning ma’naviy-ma’rifiy ishlarga mas’ul xodimlari, shahar-tuman IIB boshliqlarining
ma’naviy-ma’rifiy ishlar bo‘yicha o‘rinbosarlari hamda kadrlar bilan ta’minlash guruhi katta inspektorlari ishtirok
etdi.
Yig‘ilishda joriy yilning o‘tgan davri mobaynida
xizmat xodimlari hamda joylardagi mas’ullar tomonidan amalga oshirilgan ishlar va
yo‘l qo‘yilgan xato-kamchiliklar xizmat boshlig‘ining o‘rinbosarlari tomonidan yig‘ilish
qatnashchilariga o‘qib eshittirildi.
Shundan so‘ng, viloyat IIB boshlig‘i o‘rinbosari
podpolkovnik Sh.Shadiev va O‘zbekiston Respublikasi IIV Shaxsiy xavfsizlik bosh
boshqarmasi Surxondaryo viloyati bo‘yicha boshqarmasi mas’ul xodimi tomonidan yig‘ilish
ishtirokchilariga bir qator topshiriq va takliflar berildi.
Yig‘ilish so‘ngida mas’ullarga
berilgan topshiriqlar ijrosi yuzasidan belgilangan muddatlarda axborot berilishi
to‘g‘risida ta’kidlab o‘tilib, o‘zining xizmat faoliyati davomida yuqori natijalarga
erishgan rahbar va xodimlar navbatdagi unvon va qimmatbaho esdalik sovg‘alari bilan
boshqarma boshlig‘i o‘rinbosari tomonidan taqdirlandi.