Маъмурий назорат қоидасини бузганлиги сабаб, жиноят иши қўзғатилди
Ангор туманида 2020 йилнинг 12 март куни, “Қадимий Ангор” маҳалласида яшовчи, муқаддам 2017 йилнинг 11 январь кунида Ўзбекистон Республикаси Жиноят кодексининг 169-моддаси 3-қисми “а” банди билан судланган, Т.П. Жиноят ишлари бўйича Ангор туман суди томонидан 6 ой муддатга маъмурий назорат ўрнатилган бўлсада, Т.П. 2020 йилнинг 25 июнь кунида маъмурий назорат қоидаларини бузганлиги учун Ўзбекистон Республикаси Маъмурий жавобгарлик тўғрисидаги кодексининг 206-моддаси билан маъмурий жавобгарликка тортилган бўлсада, ўзига тегишли хулоса чиқармасдан такроран 2020 йил 5 июль куни тахминан соат 22.20лар чамасида, туманнинг “Қадимий Ангор” маҳалласи ҳудудида жойлашган ошхонада спиртли ичимлик истеъмол қилиб юрганлиги туман Ички ишлар бўлими Ҳуқуқбузарликлар профилактикаси Профилактика инспектори томонидан аниқланиб, тегишли тартибда ҳужжатлар расмийлаштирилган. 11 июль куни Т.П.га нисбатан Ўзбекистон Республикаси Жиноят кодексининг 226-моддаси 1-қисми билан жиноят иши қўзғатилган.
Сурхондарё вилояти ИИБ Ахборот хизмати
