Ижтимоий тармоқда тарқалган йўл-транспорт ҳодисаси юзасидан маълумот
2024 йил 6 август куни соат 12:40 ларда Сурхондарё
вилояти Қумқўрғон тумани “Жозиба” маҳалласи ҳудудидан ўтувчи 4Н 1591 автомобиль
йўлнинг 0 километрида 2000 йилда туғилган ҳайдовчи "Ласетти" русумли
автомобилда “Қумқўрғон-Элбаён” темир йўл
бекати оралиғидаги темир йўл кесишмасида ўрнатилган огоҳлантирувчи светофорнинг
таъқиқловчи ишорасига бўйсунмай ҳаракатни давом эттирган вақтида, шу йўналишдан
ҳаракатланиб келаётган “Сариосиё-Термиз” йўловчи поезди билан тўқнашган.
Натижада ҳайдовчи олган тан жарохатлари туфайли воқеа жойида вафот этган.
Мазкур ҳолат юзасидан Қумқўрғон тумани ИИБ ҳузуридаги Тергов гуруҳи томонидан терговга қадар суриштирув ишлари олиб борилмоқда.
❗️Барча
ҳайдовчилардан ҳаракатланиш вақтида йўл қоидаларига риоя қилишларини сўраймиз.
