ИИВ Сурхондарё академик лицейида “Заковат” интелектуаль ўйини бўлиб ўтди
9-апрел буюк соҳибқирон Амир Темур бобомиз таваллуд топганлигининг 687 йиллиги муносабати билан Ички ишлар вазирлиги Сурхондарё академик лицейида "Темур тузуклари-адолат мезонидир" шиори остида ўқувчилар ўртасида жорий йилнинг 7-апрел куни "Заковат" интелектуаль ўйини ташкил этилди. Жами 15 та жамоа иштирокида ўтказилган ўйин 2 турда олиб борилди. Якуний натижаларга кўра 3-ўринни 1-босқич 2/22-гуруҳ ўқувчиларининг "Renesans" жамоаси, 2-ўринни 1-босқич 5/22-гуруҳнинг "Femida" жамоаси, фахрли 1-ўринни 1-босқич 4/22-гуруҳ ўқувчиларининг "The Best" жамоаси эгаллашди. Тадбир якунида ИИВ Сурхондарё академик лицейи билан доимий равишда ҳамкорлик қилиб келаётганлиги учун "Заковат" ННТ Сурхондарё вилояти координатори С.А.Очиловга академик лицей маъмурияти томонидан ташаккурнома эълон қилинди ва барча ғолиб жамоалар фахрий ёрлиқ ва китоблар билан тақдирланишди.
