IIV Surxondaryo akademik litseyida “Zakovat” intelektual o‘yini bo‘lib o‘tdi
9-aprel buyuk sohibqiron Amir Temur bobomiz tavallud topganligining 687 yilligi munosabati bilan Ichki ishlar vazirligi Surxondaryo akademik litseyida "Temur tuzuklari-adolat mezonidir" shiori ostida o‘quvchilar o‘rtasida joriy yilning 7-aprel kuni "Zakovat" intelektual o‘yini tashkil etildi. Jami 15 ta jamoa ishtirokida o‘tkazilgan o‘yin 2 turda olib borildi. Yakuniy natijalarga ko‘ra 3-o‘rinni 1-bosqich 2/22-guruh o‘quvchilarining "Renesans" jamoasi, 2-o‘rinni 1-bosqich 5/22-guruhning "Femida" jamoasi, faxrli 1-o‘rinni 1-bosqich 4/22-guruh o‘quvchilarining "The Best" jamoasi egallashdi. Tadbir yakunida IIV Surxondaryo akademik litseyi bilan doimiy ravishda hamkorlik qilib kelayotganligi uchun "Zakovat" NNT Surxondaryo viloyati koordinatori S.A.Ochilovga akademik litsey ma’muriyati tomonidan tashakkurnoma e’lon qilindi va barcha g‘olib jamoalar faxriy yorliq va kitoblar bilan taqdirlanishdi.
