Жорий йилнинг 8-апрель куни Сурхондарё академик лицейида, 2 апрель кунидан 2 май кунига қадар Республика ички ишлар органларида “Ватанга ва халққа садоқат билан хизмат қилиш - олий бурчимиз” шиори остида “Маънавият ойлиги” ўтказилаётганлиги муносабати билан ҳамда вилояти ИИБ бошлиғининг 2022 йил 1 апрелдаги Сурхондарё вилояти ички ишлар органларида “Ватанга ва халққа садоқат билан хизмат қилиш - олий бурчимиз” шиори остида “Маънавият ойлиги”ни ўтказиш тўғрисидаги фармойиши талаблари ижросини таъминлаш шунингдек, соҳибқирон Амир Темур таваллудининг 686 йиллиги муносабати билан "Темур тузуклари - адолат мезонидир" шиори остида маънавий-маърифий тадбир бўлиб ўтди.
Тадбирда, Термиз давлат университети Тарих факултети "Жаҳон тарихи" кафедраси ўқитувчиси Тарих фанлари доктори профессор Т.Пардаев ва "Жаҳон тарихи" кафедраси катта ўқитувчиси М.Эргашовлар иштирок этишди.
Тадбирни Ўзбекистон Республикаси ИИВ Сурхондарё академик лицейи директори подполковник Б.В.Бўриев кириш сўзи билан очиб берди.
Ташкил этилган маънавий ва маърфий тадбирда, Амир Темурнинг ҳаёт йўли ҳамда илм, маданият, санъат намоёндаларига эътибори ва халқпарварлиги, қўшни давлатлар билан олиб борган дипломатик салоҳияти тўғрисида маълумотлар бериб ўтилди. Шунингдек ўқувчилар томонидан Ватанни мадҳ этувчи куй-қўшиқлар ҳамда Амир Темур бобомизни улуғловчи ажойиб саҳна кўринишлари ва шеърлар ижро этишди.

Сурхондарё вилояти ИИБ Ахборот хизмати