1 октябрь “Ўқитувчи ва мураббийлар” куни муносбати билан “Устозлар хамиша ардоғимизда” шиори остида, Ўзбекистон Республикаси Ички ишлар вазирлиги Сурхондарё Академик лицейида фаолият юритаётган ўқитувчи ва мураббийлар ҳамда ички ишлар фахрийлари учун байрам дастурхони ташкил этилди.

Тантанали байрам тадбирида Сурхондарё вилояти ИИБ бошлиғи полковник А.С.Исмоилов сўзга чиқиб, “Ўқитувчи ва мураббийларни, фахрийларни байрам билан табриклади ва Академик лицейнинг ўтган бир йил мобайнида эришган ютуқларини бирма-бир санаб ўтиб, ИИВ Сурхондарё Академик лицейи 2022-2023 ўқув йилида битирувчиларни олий таълим муассасаларига қамрови бўйича 90 фоизлик натижани қайд этиб, ИИВ таълим муассалари ичида фахрли биринчи ўринни қўлга киритганлигини алоҳида эътироф этди.

Шундан сўнг, вилоят ИИБ бошлиғи томонидан Ички ишлар идораларида узоқ йиллар самарали фаолият олиб бориб, бугунги кунда нафақа гаштини сураётган бир қатор Фахрий устозларга Ички ишлар вазирининг 1 октябрь “Устоз ва мураббийлар” куни муносабати билан 2023 йил 28 сентябрдаги тегишли буйруғига асосан истеъфодаги подполковник А.Ф.Маҳмудов “Ички ишлар органларининг Фахрий ходими” кўкрак нишони билан, истеъфодаги майор Б.Намазов Ички ишлар вазирлигининг “Фахрий ёрлиғи” билан, истеъфодаги майор Д.У.Қорақулов Ички ишлар вазирининг “эсдалик қўл соати” билан тақдирланганликлари эълон қилиниб, тантанали равишда топширилди.

Шунингдек, байрам муносабати билан Академик лицей директори подполковник Б.Бўриев бошқарма бошлиғининг "Эсдалик қўл соати" билан тақдирланди.

Шундан сўнг, вилоят ИИБ бошлиғи томонидан Сурхондарё Академик лицейида фаолият юритаётган 30 нафар ўқитувчи ва мураббийларга пул мукофотлари ҳамда эсдалик совғалари тантанали равишда  топширилди.

ИИВ Академик лицей директори подполковник Б.Бўриев ҳам бир қатор мураббий ва ўқитувчилар қатори академик лицейи ходимларини байрам муносабати билан муборакбод этиб, уларга эсдалик совғалари улашилди.

Сурхондарё вилояти ИИБ Ахборот хизмати