1 oktabr “O‘qituvchi va murabbiylar” kuni munosbati bilan “Ustozlar xamisha ardog‘imizda” shiori ostida, O‘zbekiston Respublikasi Ichki ishlar vazirligi Surxondaryo Akademik litseyida faoliyat yuritayotgan o‘qituvchi va murabbiylar hamda ichki ishlar faxriylari uchun bayram dasturxoni tashkil etildi.

Tantanali bayram tadbirida Surxondaryo viloyati IIB boshlig‘i polkovnik A.S.Ismoilov so‘zga chiqib, “O‘qituvchi va murabbiylarni, faxriylarni bayram bilan tabrikladi va Akademik litseyning o‘tgan bir yil mobaynida erishgan yutuqlarini birma-bir sanab o‘tib, IIV Surxondaryo Akademik litseyi 2022-2023 o‘quv yilida bitiruvchilarni oliy ta’lim muassasalariga qamrovi bo‘yicha 90 foizlik natijani qayd etib, IIV ta’lim muassalari ichida faxrli birinchi o‘rinni qo‘lga kiritganligini alohida e’tirof etdi.

Shundan so‘ng, viloyat IIB boshlig‘i tomonidan Ichki ishlar idoralarida uzoq yillar samarali faoliyat olib borib, bugungi kunda nafaqa gashtini surayotgan bir qator Faxriy ustozlarga Ichki ishlar vazirining 1 oktabr “Ustoz va murabbiylar” kuni munosabati bilan 2023 yil 28 sentabrdagi tegishli buyrug‘iga asosan iste’fodagi podpolkovnik A.F.Mahmudov “Ichki ishlar organlarining Faxriy xodimi” ko‘krak nishoni bilan, iste’fodagi mayor B.Namazov Ichki ishlar vazirligining “Faxriy yorlig‘i” bilan, iste’fodagi mayor D.U.Qoraqulov Ichki ishlar vazirining “esdalik qo‘l soati” bilan taqdirlanganliklari e’lon qilinib, tantanali ravishda topshirildi.

Shuningdek, bayram munosabati bilan Akademik litsey direktori podpolkovnik B.Bo‘riev boshqarma boshlig‘ining "Esdalik qo‘l soati" bilan taqdirlandi.

Shundan so‘ng, viloyat IIB boshlig‘i tomonidan Surxondaryo Akademik litseyida faoliyat yuritayotgan 30 nafar o‘qituvchi va murabbiylarga pul mukofotlari hamda esdalik sovg‘alari tantanali ravishda  topshirildi.

IIV Akademik litsey direktori podpolkovnik B.Bo‘riev ham bir qator murabbiy va o‘qituvchilar qatori akademik litseyi xodimlarini bayram munosabati bilan muborakbod etib, ularga esdalik sovg‘alari ulashildi.

Surxondaryo viloyati IIB Axborot xizmati