ИИВ Сурхондарё Академик лицейи ўқувчилари учун давра суҳбати ва психологик тренинг машғулоти ўтказилди
Сурхондарё вилояти ИИБ Маънавий-маърифий ишлар ва кадрлар билан
таъминлаш хизмати маънавий-маърифий ишлар бўлими психологик таъминлаш гуруҳи
мутахассис-психологлари, Термиз давлат Педагогика институти психология
кафедраси ўқитувичиси ва ИИВ Сурхондарё Академик лицейи амалиётчи психологи
билан ҳамкорликда ўқувчилар иштирокида давра суҳбати ва психологик тренинг машғулоти
ташкил этилди.
Давра суҳбати ҳамда психологик тренинг давомида
жамоаларда соғлом маънавий-руҳий муҳитни шакллантириш, илмий-психологик
услубларни мақсадли қўллаш орқали ўқувчиларнинг таълим ва оилавий-маиший
муаммоларини ўрганиш, руҳий тайёргарлигини ошириш, руҳий ҳолатида ўзгариш
сезилган ўқувчилар билан индивидуал тарбиявий ишларни амалга ошириш, психологик
ёрдам кўрсатиш, турли стресс вазиятларга мослашиш қобилиятини ривожлантириш
бўйича ўқувчилар билан психологик суҳбатлар ўтказилди.
Шунингдек,
ИИВ Сурхондарё Академик лицейи ўқувчилари билан жамоага тезда мослашиш,
фаоллаштирувчи, конфликтни олдини олишга қаратилган психологик-тренинг
машғулоти ҳам ўтказилди.
