ИИВ Сурхондарё академик лицейида ота-оналар йиғилиши бўлиб ўтди
Жорий йилнинг 29 сентябрь куни ИИВ Сурхондарё
академик лицейида вилоят ИИБ бошлиғи ўринбосари подполковник Ш.Ф.Шодиев, ИИВ Шахсий
хавфсизлик бош бошқармаси Сурхондарё вилояти бўйича бошқармаси бошлиғи подполковник
Қ.Б.Самандаров иштирокида академик лицейнинг 1- босқич ўқувчилари ота-оналари билан
йиғилиш бўлиб ўтди.
Йиғилишни ИИВ Сурхондарё академик лицейи
директори подполковник Б.В.Бўриев кириш сўзи
билан очиб, ота-оналарга академик лицейда яратилган шарт-шароитлар, ўқув тарбия
жараёни, кун тартиби, эришилган ютуқлар ҳақида сўз юритиб, ота-оналар билан ҳамкорликда
ўқув-тарбия жараёнини самарали ташкил этиш, чуқурлаштирилиб ўтиладиган фанларга
алоҳида аҳамият бериш кераклиги ҳамда лицейда ташкил этилган тайёрлов маркази фаолияти
ҳақида тушунча берилди.
Тадбир сўнгида ота-оналар ўзларининг
қизиқтирган саволларига жавоб олишди. Тадбирдан сўнг ота-оналар академик лицейда
ташкил этилган китоб ярмаркасида иштирок
этиб, академик лицей кутубхонаси фондига китоблар совға қилишди.
