IIV Surxondaryo akademik litseyida ota-onalar yig‘ilishi bo‘lib o‘tdi
Joriy yilning 29 sentabr kuni IIV Surxondaryo
akademik litseyida viloyat IIB boshlig‘i o‘rinbosari podpolkovnik Sh.F.Shodiev,
IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi
boshlig‘i podpolkovnik Q.B.Samandarov ishtirokida akademik litseyning 1- bosqich
o‘quvchilari ota-onalari bilan yig‘ilish bo‘lib o‘tdi.
Yig‘ilishni IIV Surxondaryo akademik
litseyi direktori podpolkovnik B.V.Bo‘riev
kirish so‘zi bilan ochib, ota-onalarga akademik litseyda yaratilgan shart-sharoitlar,
o‘quv tarbiya jarayoni, kun tartibi, erishilgan yutuqlar haqida so‘z yuritib, ota-onalar
bilan hamkorlikda o‘quv-tarbiya jarayonini samarali tashkil etish, chuqurlashtirilib
o‘tiladigan fanlarga alohida ahamiyat berish kerakligi hamda litseyda tashkil etilgan
tayyorlov markazi faoliyati haqida tushuncha berildi.
Tadbir so‘ngida ota-onalar o‘zlarining
qiziqtirgan savollariga javob olishdi. Tadbirdan so‘ng ota-onalar akademik litseyda
tashkil etilgan kitob yarmarkasida ishtirok
etib, akademik litsey kutubxonasi fondiga kitoblar sovg‘a qilishdi.
