Ўзбекистон Республикаси ИИВ Сурхондарё академик лицейида Сурхондарё вилояти ИИБ Эксперт-криминалистика маркази катта эксперти катта лейтенант Худойқул Намозов томонидан “Ҳужжатларни техник криминалистика” экспертиза соҳаси бўйича бугунги кундаги аҳамиятга эга бўлган “Ҳужжатларнинг криминалистик тадқиқотлари тушунчаси, предмети, тизими ва вазифалари, ҳужжатларни ва хатларни идентификацияли хусусиятлари, тергов ва тезкор ҳаракатларда улардан фойдаланиш, қалбаки пул ясатишнинг криминалистик тадқиқот қилиш” мавзуларида ўқув ва амалий машғулот ўтказилди.

Ўқув жараёнида ИИВ Сурхондарё академик лицейи ўқувчиларига, ҳозирги кунда жиноят содир этилган жойни кўздан кечириш, ашёвий далилларни топиш, қайд этиш, олиш, қадоқлаш ва тергов органларига тақдим этиш тартиби юзасидан тушунтиришлар берилди.

Шунингдек, ҳозирги кунда вилоят ИИБ Эксперт-криминалистика маркази томонидан ўтказилаётган экспертиза турлари, экспертиза ўтказиш учун асослар, экспертизага тақдим этилаётган объектлар бўйича маълумотлар қайд қилинди.

Жиноятларни фош этишда муҳим аҳамиятга эга бўлган муҳр изларини кўздан кечириш, қайд қилиш ва тадқиқотлар ўтказишда, ҳужжатларни техник криминалистика экспертизасининг ўрни алоҳида аҳамиятга эга эканлиги таъкидланди.

Ўтказилган ўқув машғулоти якунида ўқувчилар ўзларини қизиқтирган саволларига мутахассис томонидан жавоблар олишди.