ИИВ Сурхондарё академик лицейида ота– оналар билан йиғилиши бўлиб ўтди.
Жорий йилнинг 4
сентябр куни ИИВ Сурхондарё академик лицейига қабул қилинган ўқувчиларнинг ота–
оналари билан йиғилиш ўтказилди.
Ушбу йиғилишда академик
лицей директори подполковник Б.В.Бўриев сўзга чиқиб, 2024/2025-ўқув йилида 1-босқич
ўқувчиларининг лицейда таҳсил олиш жараёни, кун тартиби, тартиб интизомга риоя этишлари
борасида ота–оналарга тушунчалар бериб ўтди.
Шундан сўнг Маънавий
ва маърифий ишлари бўйича директор ўринбосари подполковник А.Ж.Нуркелдиев сўзга
чиқиб лицейда ўқувчилар учун яратилган шарт-шароитлар, берилаётган имкониятлар,
ўқувчиларнинг бўш вақтларини мазмунли ўтказиш учун фан ва спорт тўгаракларининг
ташкил қилинганлиги, ўқувчиларнинг эришган ютуқлари билан таништириб ўтди. Бундан
ташқари ўқувчиларни формали кийим бош билан таъминлаш борасида ҳам ота-оналар
билан келишиб олинди.
Йиғилиш сўнгида
ота–оналарни қизиқтирган турли масалалардаги саволларига масъуллар томонидан жавоблар
берилди.
Тадбир якунида, лицейда
ота-оналар учун китоблар ярмаркаси ҳам ташкил этилди.
