IIV Surxondaryo akademik litseyida ota– onalar bilan yig‘ilishi bo‘lib o‘tdi.
Joriy yilning 4
sentabr kuni IIV Surxondaryo akademik litseyiga qabul qilingan o‘quvchilarning ota–
onalari bilan yig‘ilish o‘tkazildi.
Ushbu yig‘ilishda
akademik litsey direktori podpolkovnik B.V.Bo‘riev so‘zga chiqib, 2024/2025-o‘quv
yilida 1-bosqich o‘quvchilarining litseyda tahsil olish jarayoni, kun tartibi, tartib
intizomga rioya etishlari borasida ota–onalarga tushunchalar berib o‘tdi.
Shundan so‘ng Ma’naviy
va ma’rifiy ishlari bo‘yicha direktor o‘rinbosari podpolkovnik A.J.Nurkeldiev so‘zga
chiqib litseyda o‘quvchilar uchun yaratilgan shart-sharoitlar, berilayotgan imkoniyatlar,
o‘quvchilarning bo‘sh vaqtlarini mazmunli o‘tkazish uchun fan va sport to‘garaklarining
tashkil qilinganligi, o‘quvchilarning erishgan yutuqlari bilan tanishtirib o‘tdi.
Bundan tashqari o‘quvchilarni formali kiyim bosh bilan ta’minlash borasida ham ota-onalar
bilan kelishib olindi.
Yig‘ilish so‘ngida
ota–onalarni qiziqtirgan turli masalalardagi savollariga mas’ullar tomonidan javoblar
berildi.
Tadbir yakunida, litseyda
ota-onalar uchun kitoblar yarmarkasi ham tashkil etildi.
