Мустақиллигимизнинг 33 йиллиги ҳамда Билимлар куни байрами муносабати билан бугун ИИВнинг Сурхондарё академик лицейида байрам тадбири бўлиб ўтди.

Тадбирда вилоят ИИБ бошлиғининг ўринбосари Маънавий маърифий ишлар ва кадрлар билан таъминлаш хизмати бошлиғи подполковник Шадиев Шерзод Файзуллаевич, вилоят ИИБ Фахрийлар кенгаши раиси истеъфодааги подполковник Акрам Шарафутдинов ва фахрийлар иштирок этди.

Вилоят ИИБ бошлиғининг ўринбосари подполковник Ш.Ф.Шадиев, Фахрийлар ҳамда ўқитувчилар томонидан академик лицей ўқувчиларига “Бир бўлсак — ягона халқмиз, бирлашсак — Ватанмиз!” ғояси асосида мустақиллик дарс соатлари ўтилди.

Янги ўқув йилида 178 нафар ўқувчилар академик лицейнинг 1-ўқув курсига ўқишга қабул қилинди, 178 нафар ўқувчиларнинг 19  нафари қизлар ташкил этади.

Академик лицейда 30 нафар ўқитувчилар таълим бериб келмоқда, шлундан 2 нафари фалсафа доктори, 7 нафари бош ўқитувчи 8 нафари етакчи ўқитувчи 7 нафари катта ўқитувчи 6 нафари олий маълумотли ўқитувчилар ташкил қилади.

Академик лицей ўқувчиларига яратилган шароитлар: ётоқхона билан таъминланади, 4 махал иссиқ овқат билан таъминлайдиган ошхона, 435 нафар ўқувчилар сиғимига эга 3 қаватли ўқув ўқув биноси ва  21 та синфхоналар мавжуд, 1 та янгитдан таъмирланган замонавий ахборот кутубхона маркази, стадион ва спорт заллар мавжуд, жумладан Президентимизнинг 2023 йил 20-январ кунидаги “Инчки ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида”ги ПҚ-10-сонли қарори асосида ташкил этилган  ўқув тайёрлов маркази фаолият юритиб келмоқда.

2024-йилда мазкур академик лицейни тамомлаган 156-нафар ўқувчилардан 153 нафари ёки 98 фоиз ўқувчилар Олий таълим муассасаларига ўқишга қабул қилинди улардан 36 нафари ИИВ Академиясига, 4 нафар Жамоат хавфсизлиги университетига, 6 нафари ҳқуқни мухофаза қилиш академиясига 14 нафар битирувчилар эса хорижий олий таълим муассасаларига 93 нафари фуқаролик олий таълим муассасаларига ўқишга қабул қилинган.

Ўтган ўқув йилида академик лицей ўқувчиларининг 71 нафари хорижий тилларни билиш сертификатига эга бўлишди.

академик лицейнинг 2-босқич 5/22-гурух ўқувчиси Абдужафаров Мухаммадсодиқ ИИВ академик лицейлари ўртасида ўтказилган Ҳқуқшунослик фан олимпиадасининг республика босқичида фахрли 1-ўринни қўлга киритиб ИИВ академиясига имтиёзли равишда ўқишга кириш ҳуқуқига эга бўлди.

Ўтган ўқув йили давомида Профессионал таълим муассасалари ўртасида ўтказилган Заковат интеллектуал ўйининг вилоят босқичида академик лицей жамоаси 3-ўринни қўлга киритиб республика босқчида иштирок этиш йўлланмасини қўлга киритди.

Шунингдек академик лицей ўқувчилари спортнинг Ашихаре карате, Усмонов комбат системс, Хапкидо, қўл жанги каби спорт турларида иштирок этиб фахрли ўринларни қўлга киритишди, иштирокчиларнинг 8- нафари республика, 3-нафари Осиё ва 1 нафари жахон чемпионлигини қўлга киритишди.