Mustaqilligimizning 33 yilligi hamda Bilimlar kuni bayrami munosabati bilan bugun IIVning Surxondaryo akademik litseyida bayram tadbiri bo‘lib o‘tdi.

Tadbirda viloyat IIB boshlig‘ining o‘rinbosari Ma’naviy ma’rifiy ishlar va kadrlar bilan ta’minlash xizmati boshlig‘i podpolkovnik Shadiev Sherzod Fayzullaevich, viloyat IIB Faxriylar kengashi raisi iste’fodaagi podpolkovnik Akram Sharafutdinov va faxriylar ishtirok etdi.

Viloyat IIB boshlig‘ining o‘rinbosari podpolkovnik Sh.F.Shadiev, Faxriylar hamda o‘qituvchilar tomonidan akademik litsey o‘quvchilariga “Bir bo‘lsak — yagona xalqmiz, birlashsak — Vatanmiz!” g‘oyasi asosida mustaqillik dars soatlari o‘tildi.

Yangi o‘quv yilida 178 nafar o‘quvchilar akademik litseyning 1-o‘quv kursiga o‘qishga qabul qilindi, 178 nafar o‘quvchilarning 19  nafari qizlar tashkil etadi.

Akademik litseyda 30 nafar o‘qituvchilar ta’lim berib kelmoqda, shlundan 2 nafari falsafa doktori, 7 nafari bosh o‘qituvchi 8 nafari yetakchi o‘qituvchi 7 nafari katta o‘qituvchi 6 nafari oliy ma’lumotli o‘qituvchilar tashkil qiladi.

Akademik litsey o‘quvchilariga yaratilgan sharoitlar: yotoqxona bilan ta’minlanadi, 4 maxal issiq ovqat bilan ta’minlaydigan oshxona, 435 nafar o‘quvchilar sig‘imiga ega 3 qavatli o‘quv o‘quv binosi va  21 ta sinfxonalar mavjud, 1 ta yangitdan ta’mirlangan zamonaviy axborot kutubxona markazi, stadion va sport zallar mavjud, jumladan Prezidentimizning 2023 yil 20-yanvar kunidagi “Inchki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yo‘naltirish bo‘yicha qo‘shimcha chora-tadbirlar to‘g‘risida”gi PQ-10-sonli qarori asosida tashkil etilgan  o‘quv tayyorlov markazi faoliyat yuritib kelmoqda.

2024-yilda mazkur akademik litseyni tamomlagan 156-nafar o‘quvchilardan 153 nafari yoki 98 foiz o‘quvchilar Oliy ta’lim muassasalariga o‘qishga qabul qilindi ulardan 36 nafari IIV Akademiyasiga, 4 nafar Jamoat xavfsizligi universitetiga, 6 nafari hquqni muxofaza qilish akademiyasiga 14 nafar bitiruvchilar esa xorijiy oliy ta’lim muassasalariga 93 nafari fuqarolik oliy ta’lim muassasalariga o‘qishga qabul qilingan.

O‘tgan o‘quv yilida akademik litsey o‘quvchilarining 71 nafari xorijiy tillarni bilish sertifikatiga ega bo‘lishdi.

akademik litseyning 2-bosqich 5/22-gurux o‘quvchisi Abdujafarov Muxammadsodiq IIV akademik litseylari o‘rtasida o‘tkazilgan Hquqshunoslik fan olimpiadasining respublika bosqichida faxrli 1-o‘rinni qo‘lga kiritib IIV akademiyasiga imtiyozli ravishda o‘qishga kirish huquqiga ega bo‘ldi.

O‘tgan o‘quv yili davomida Professional ta’lim muassasalari o‘rtasida o‘tkazilgan Zakovat intellektual o‘yining viloyat bosqichida akademik litsey jamoasi 3-o‘rinni qo‘lga kiritib respublika bosqchida ishtirok etish yo‘llanmasini qo‘lga kiritdi.

Shuningdek akademik litsey o‘quvchilari sportning Ashixare karate, Usmonov kombat sistems, Xapkido, qo‘l jangi kabi sport turlarida ishtirok etib faxrli o‘rinlarni qo‘lga kiritishdi, ishtirokchilarning 8- nafari respublika, 3-nafari Osiyo va 1 nafari jaxon chempionligini qo‘lga kiritishdi.