ИИВ Сурхондарё академик лицейида “Биз Ватан посбони-умид ниҳолларимиз!" мавзусида маънавий-маърифий тадбир ўтказилди.
Республика Маънавият
ва маърифат маркази, Ўзбекистон фахрийларининг ижтимоий фаолиятини қўллаб-қувватлаш
“Нуроний” жамғармаси, Сурхондарё вилояти ҳокимлиги билан ҳамкорликда Сурхондарё
вилоятида бир қатор маънавий-маърифий тадбирлар ўтказилиб келинмоқда.
ИИВ Сурхондарё академик
лицейида ҳам жорий йилнинг 2-ноябрь санасида “Биз Ватан посбони-умид ниҳолларимиз!"
мавзусида маънавий-маърифий тадбир ўтказилди.
Тадбирда Ўзбекистонда
хизмат кўрсатган маданият ходими, шоир Эшқобил Шукур, Жарқўрғон тумани ҳокими ўринбосари
А.Ражабов ҳамда академик лицей раҳбарияти, устозлари, шунингдек, ўқувчи - ёшлар
иштирок этишди.
Ташкил этилган
маънавий тадбирда Сурхон воҳасининг забардаст шоири Эшқобил Шукурнинг ижодий
фаолияти ҳақида илиқ фикрлар билдирилди, шеърлари тингланди. Айниқса, ўқувчи – ёшлар
шоирнинг шеърларидан наъмуналар келтириши, лицей ўқитувчилари томонидан ажойиб тилаклар
билдирилиши ҳамда Эшқобил Шукурни "Ўзбек миллатининг ҳозирги Маҳмуд Қошғарийсидир!"-
дея, таърифлаб ўтилиши янада қувонарли ҳол бўлди.
