ИИВ Академик лицей ўқувчилари иштирокида "Хотира азиз - қадр муқаддас" мавзусида тадбир ўтказилди
Маънавият ойлиги доирасида "Термиз давлат музей қўриқхонаси"да 9-май “Хотира ва қадрлаш куни"га бағишлаб "Соҳибқирон издошлари-мустақил юрт посбонлари" номли тадбир бўлиб ўтди.
Тадбирда ИИВ Сурхондарё Академик лицей ўқитувчилари ҳамда ўқувчилари ўз чиқишлари билан фаол иштирок этишди. Лицей ўқувчилари уруш давридаги бир оиланинг ҳаёт кечмишлари акс этган саҳна кўринишини маҳорат билан ижро этиб беришди.
Шунингдек, лицей ўқувчилари томонидан уруш даврида ижро этилган қўшиқлар ҳамда рақслар тадбир иштирокчиларининг эътиборини тортди. Тадбир сўнггида музей ходимлари томонидан музейдаги барча экспонатлар ўқувчиларга ажойиб тарзда таништирилди.
Тадбир қизғин ва мазмун касб этди. Лицей ўқувчилари тадбир якунида музей раҳбарияти томонидан ташаккурнома ва эсдалик совғалари билан тақдирланишди.
