IIV Akademik litsey o‘quvchilari ishtirokida "Xotira aziz - qadr muqaddas" mavzusida tadbir o‘tkazildi
Ma’naviyat oyligi doirasida "Termiz davlat muzey qo‘riqxonasi"da 9-may “Xotira va qadrlash kuni"ga bag‘ishlab "Sohibqiron izdoshlari-mustaqil yurt posbonlari" nomli tadbir bo‘lib o‘tdi.
Tadbirda IIV Surxondaryo Akademik litsey o‘qituvchilari hamda o‘quvchilari o‘z chiqishlari bilan faol ishtirok etishdi. Litsey o‘quvchilari urush davridagi bir oilaning hayot kechmishlari aks etgan sahna ko‘rinishini mahorat bilan ijro etib berishdi.
Shuningdek, litsey o‘quvchilari tomonidan urush davrida ijro etilgan qo‘shiqlar hamda raqslar tadbir ishtirokchilarining e’tiborini tortdi. Tadbir so‘nggida muzey xodimlari tomonidan muzeydagi barcha eksponatlar o‘quvchilarga ajoyib tarzda tanishtirildi.
Tadbir qizg‘in va mazmun kasb etdi. Litsey o‘quvchilari tadbir yakunida muzey rahbariyati tomonidan tashakkurnoma va esdalik sovg‘alari bilan taqdirlanishdi.
