Ҳуқуқни муҳофаза қилувчи орган ходимлари ўртасида спортнинг Миллий кураш тури бўйича мусобақа ғолиблари тақдирландиҲуқуқни муҳофаза қилувчи орган ходимлари ўртасида спортнинг Миллий кураш тури бўйича мусобақа ғолиблари тақдирланди
Куни кеча Сурхондарё вилоятида "Динамо" жисмоний тарбия ва спорт жамияти ҳудудий бўлинмаси томонидан, куч тузилмалар, ҳуқуқни муҳофаза қилувчи органлар ходимлари ўртасида спортнинг миллий кураш тури бўйича вилоят биринчилиги мусобақаси ташкил этилди. Шахсий таркибнинг жисмоний тайёргарлигини ошириш ҳамда улар ўртасида соғлом турмуш тарзини тарғиб этиш, спортни оммалаштириш мақсадида уюштирилган беллашувда, полвонларнинг чиқишлари қизғин баҳс ва мунозараларга бой бўлди. Якуний натижаларига кўра, умумжамоа ҳисобида, вилоят Ички ишлар бошқармаси жамоаси фахрли 1-ўринни эгаллаган бўлса, Миллий гвардия вилоят бўйича бошқармаси жамоаси 2-ўринни ҳамда Қўриқлаш бошқармаси жамоаси 3-ўринни эгаллашди. Мусобақа ғолиблари ташкилотчиларнинг, кубок, диплом, медаль ва қимматбаҳо совғалари билан тақдирландилар. Шунингдек, ўз вазн тоифасида устунликка эга бўлган полвонларга ҳам турли эсдалик совғалари топширилди.
Сурхондарё вилояти ИИБ Ахборот хизмати
