Хорижий давлатлардаги термизлик ёшлар ва уларнинг ота-оналари билан профилактик суҳбатлар ташкил этилмоқда.
Ўзбекистон
Республикаси Президенти, Қуролли кучлар Олий Бош қўмондони Ш.М.Мирзиёев
раислигида 2024 йилнинг 12 январь куни ўтказилган Хавфсизлик кенгашининг
кенгайтирилган йиғилишидаги белгиланган вазифалар ижросини таъминлаш мақсадида,
Сурхондарё вилояти Термиз шаҳар бўйича ички ишлар органларининг ҳудудий
тузилмаларига 2548 нафар ёшлар бириктирилди.
Ушбу бириктирилган ёшлар ўртасида профилактик
ишларни самарали ташкил этиш, уларнинг ижтимоий масалалардаги муаммоларини
ўрганиш ҳамда бартараф этиш, ёшларнинг жамиятда муносиб ўрин эгаллашига
кўмаклашиш борасида ҳозирда вақтинча ишлаш ёки ўқиш мақсадида турли хорижий давлатларга
кетган ёшларнинг оила аъзолари, хусусан ота-оналари ва яқинлари билан суҳбатлар
ташкил қилинмоқда. Ҳозирда дунёда бўлаётган нохушликлар, терактлар ва шунга
ўхшаш ҳолатларга бефарқ бўлмасликлари, ҳамда ҳар қандай ноқонуний диний
оқимларга қўшилиб қолмасликлари юзасидан Термиз шаҳар ИИБ бошлиғи томонидан ўтказилаётган
профилактик тушунтиришлар асносида, айни вақтларда хорижий давлатларда бўлган
ёшлар билан онлайн тарзда мулоқотлар ташкил этилмоқда.
