Xorijiy davlatlardagi termizlik yoshlar va ularning ota-onalari bilan profilaktik suhbatlar tashkil etilmoqda.
O‘zbekiston Respublikasi
Prezidenti, Qurolli kuchlar Oliy Bosh qo‘mondoni Sh.M.Mirziyoev raisligida 2024
yilning 12 yanvar kuni o‘tkazilgan Xavfsizlik kengashining kengaytirilgan yig‘ilishidagi
belgilangan vazifalar ijrosini ta’minlash maqsadida, Surxondaryo viloyati Termiz
shahar bo‘yicha ichki ishlar organlarining hududiy tuzilmalariga 2548 nafar yoshlar
biriktirildi.
Ushbu biriktirilgan yoshlar o‘rtasida profilaktik ishlarni
samarali tashkil etish, ularning ijtimoiy masalalardagi muammolarini o‘rganish hamda
bartaraf etish, yoshlarning jamiyatda munosib o‘rin egallashiga ko‘maklashish borasida
hozirda vaqtincha ishlash yoki o‘qish maqsadida turli xorijiy davlatlarga ketgan
yoshlarning oila a’zolari, xususan ota-onalari va yaqinlari bilan suhbatlar tashkil
qilinmoqda. Hozirda dunyoda bo‘layotgan noxushliklar, teraktlar va shunga o‘xshash
holatlarga befarq bo‘lmasliklari, hamda har qanday noqonuniy diniy oqimlarga qo‘shilib
qolmasliklari yuzasidan Termiz shahar IIB boshlig‘i tomonidan o‘tkazilayotgan profilaktik
tushuntirishlar asnosida, ayni vaqtlarda xorijiy davlatlarda bo‘lgan yoshlar bilan
onlayn tarzda muloqotlar tashkil etilmoqda.
