Ўзбекистон Республикаси Президентининг “Ўзбекистон-2030” стратегиясини “Ёшлар ва бизнесни қўллаб-қувватлаш йили”да амалга оширишга оид давлат дастури тўғрисида”ги Фармони ижросини таъминлаш ҳамда Ички ишлар вазирлиги томонидан оталиққа олинган ёшларни ватанпарварлик руҳида тарбиялаш, маънавий дунёқарашини юксалтириш ва уларни ҳар томонлама қўллаб-қувватлаш мақсадида, 2024 йилнинг май-июнь ойларида Вазирлик томонидан оталиққа олинган бир миллион нафар ёшлар ўртасида «Хавфсиз ҳаёт учун бирлашайлик!» шиори остида кенг қамровли маънавий-маърифий, ватанпарварлик ва спорт тадбирлари ўтказилиши белгиланган эди.

Шу муносабат бутун Республика миқёсида ўтказилаётган «Хавфсиз ҳаёт учун бирлашайлик!» шиори остидаги тадбир Сурхондарё вилоятининг маркази Термиз шаҳрида ҳам ўтказилди.

 “Сурхон спорт” аренаси олдида старт олган югуриш марафони “Болажон боғи”га қадар бўлган масофани ўз ичига олди.

мазкур соғлом турмуш тарзига чорлайдиган «Хавфсиз ҳаёт учун бирлашайлик!» шиори остида ўтказилган марафон иштирокчилари бирин кетин финиш чизиғини босиб ўтди.

Марафонда ғолиб бўлган ёшларни тақдирлашга бағишланган маросимда, ўғил болалар ўртасида Отабек Файзуллаев  1 ўрин, Шукрулло Сафаров 2 ўрин, Беҳруз Эшқобилов фахрли 3- ўринни қўлга киритган бўлса, қизлар ўртасида 1 ўринни Шоҳсанам Хуррамова, 2- ўринни Динара Анварова ва 3- ўрин Зухра Норбоеваларга насиб этиб, Сурхондарё вилояти ИИБнинг қимматбаҳо совғалари билан тақдирланишди.

Шунингдек, “Ёшларга энг кўп ёрдам кўрсатган тадбиркор” номинацияси бўйича "Имкон Термиз" МЧЖ Полелителин пакетлар ишлаб чиқариш корхонаси  раҳбари Абдуалимов Иброҳимжон Боймурод ўғли  муносиб топилиб, Сурхондарё вилояти ИИБнинг ташаккурономаси ҳамда қимматбаҳо совғаси бошқарма бошлиғи ўринбосари томонидан тантанали равишда топширилди.

Ушбу марафон вилоятнинг барча шаҳар-туман марказларида ҳам ўтказилди.