O‘zbekiston Respublikasi Prezidentining “O‘zbekiston-2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi Farmoni ijrosini ta’minlash hamda Ichki ishlar vazirligi tomonidan otaliqqa olingan yoshlarni vatanparvarlik ruhida tarbiyalash, ma’naviy dunyoqarashini yuksaltirish va ularni har tomonlama qo‘llab-quvvatlash maqsadida, 2024 yilning may-iyun oylarida Vazirlik tomonidan otaliqqa olingan bir million nafar yoshlar o‘rtasida «Xavfsiz hayot uchun birlashaylik!» shiori ostida keng qamrovli ma’naviy-ma’rifiy, vatanparvarlik va sport tadbirlari o‘tkazilishi belgilangan edi.

Shu munosabat butun Respublika miqyosida o‘tkazilayotgan «Xavfsiz hayot uchun birlashaylik!» shiori ostidagi tadbir Surxondaryo viloyatining markazi Termiz shahrida ham o‘tkazildi.

 “Surxon sport” arenasi oldida start olgan yugurish marafoni “Bolajon bog‘i”ga qadar bo‘lgan masofani o‘z ichiga oldi.

mazkur sog‘lom turmush tarziga chorlaydigan «Xavfsiz hayot uchun birlashaylik!» shiori ostida o‘tkazilgan marafon ishtirokchilari birin ketin finish chizig‘ini bosib o‘tdi.

Marafonda g‘olib bo‘lgan yoshlarni taqdirlashga bag‘ishlangan marosimda, o‘g‘il bolalar o‘rtasida Otabek Fayzullaev  1 o‘rin, Shukrullo Safarov 2 o‘rin, Behruz Eshqobilov faxrli 3- o‘rinni qo‘lga kiritgan bo‘lsa, qizlar o‘rtasida 1 o‘rinni Shohsanam Xurramova, 2- o‘rinni Dinara Anvarova va 3- o‘rin Zuxra Norboevalarga nasib etib, Surxondaryo viloyati IIBning qimmatbaho sovg‘alari bilan taqdirlanishdi.

Shuningdek, “Yoshlarga eng ko‘p yordam ko‘rsatgan tadbirkor” nominatsiyasi bo‘yicha "Imkon Termiz" MChJ Polelitelin paketlar ishlab chiqarish korxonasi  rahbari Abdualimov Ibrohimjon Boymurod o‘g‘li  munosib topilib, Surxondaryo viloyati IIBning tashakkuronomasi hamda qimmatbaho sovg‘asi boshqarma boshlig‘i o‘rinbosari tomonidan tantanali ravishda topshirildi.

Ushbu marafon viloyatning barcha shahar-tuman markazlarida ham o‘tkazildi.