Ғолиб жамоага Сурхондарё вилояти ИИБ бошлиғининг кубоги топширилди
Сурхондарё вилоятининг 3-сектор ҳудудларидаги маҳаллаларида уюшмаган ёшлар ўртасида спортнинг “Мини футбол” тури бўйича “Сурхондарё вилояти Ички ишлар бошқармаси бошлиғи кубоги” учун мусобақалар ташкил қилиниб келинмоқда.
Худди шундай, мусобақа 2021 йилнинг 3-4 май кунлари Шеробод туманидаги 3-сектор ҳудудидаги маҳаллаларда уюшмаган ёшлар ўртасида спортнинг “Мини футбол” тури бўйича 1-босқичи бўлиб ўтди.
Ташкил этилган мусобоқада тумандаги 3-сектор ҳудудидан 12 та маҳалланинг футбол жамоалари иштирок этишди.
Қизғин ва муросаларга бой тарзда ўтказилган мусобоқада фахрли 1-ўринни туманнинг “Олтинвоҳа” маҳалласи жамоаси, 2-ўринни туманнинг “Шеробод” маҳалласи жамоаси ва 3-ўринни туманнинг “Истиқбол” маҳалласи футбол жамоалари қўлга киритишди.
Мусобоқа сўнгида, Шеробод тумани 3-сектор раҳбари Шеробод тумани ИИБ бошлиғи подполковник Ў.Шукуров мусобоқа ғолибларини “Сурхондарё вилояти Ички ишлар бошқармаси бошлиғи”нинг кубоги, диплом ва қимматбаҳо эсдалик совғалари билан тақдирлади.
Сурхондарё вилояти ИИБ Ахборот хизмати
