15 Июл 2020 йил
657
Фирибгарлик: ўғлингизни ички ишларга ишга киритиб қўяман
Шўрчи туманида 2020 йилнинг 01 июль куни, туманнинг “Ёшғайрат” маҳалласида яшовчи Ю.Э. туман Ички ишлар бўлимига ариза билан мурожаат қилиб, шу йилнинг 17 февраль куни, туманнинг “Ҳурлик” маҳалласида яшовчи Т.А., ўғли П.Й.ни “Ички ишлар органлари”га ишга киритишни ваъда қилиб, ундан 18.930.000 (ўн саккиз миллион тўққиз юз ўттиз минг) сўм пулларни олиб, ўғлини ишга киритмасдан олган пулларни ўзининг эҳтиёжларига ишлатиб юборганлигини билдирган. Мазкур ҳолат юзасидан, 9 июль куни Т.А.га нисбатан Ўзбекистон Республикаси Жиноят кодексининг 168-моддаси 1-қисми билан жиноят иши қўзғатилган.
Сурхондарё вилояти ИИБ Ахборот хизмати
