“Фидокор ёшлар” кўрик-танлови ўтказилди
Фуқароларнинг осойишталиги ва хавфсизлигини таъминлаш ҳамда жамоат тартибини сақлашда ички ишлар органларига кўмаклашаётган ёшлар ўртасида ўтказилаётган “Фидокор ёшлар” жамоатчилик патрул гуруҳи аъзоси кўрик-танловининг бугун, 2 июнь куни Шеробод тумани босқичи бўлиб ўтди. Шеробод туман ИИБ ҳамда Ёшлар ишлари агентлиги туман бўлими билан ҳамкорликда ташкил этилган мазкур танловда, тумандаги маҳаллаларнинг “Қалқон” жамоалари сардорлари иштирок этишди.
Тўсинга (турник) тортилиш, 3 км ҳамда 100 м масофага югуриш шартларидан иборат бўлган танлов қизғин тарзда кечди.
Ғолиб ва совриндорлар эса туман ИИБ бошлиғи, 3-сектор раҳбари Ў.Шукуров томонидан тақдирланди. Натижаларга кўра, “Олтин воҳа”, "Меҳробод" ҳамда "Қуллуқшо" маҳаллалари танловнинг вилоят босқичида иштирок этишади.
