Мамлакатимизда жисмоний тарбия ва спортни ривожлантириш, аҳоли ўртасида соғлом турмуш тарзини тарғиб қилиш, айниқса ёшлар орасида спортни оммалаштириш ва бу орқали мамлакатимизнинг халқаро спорт майдонларида муносиб иштирокини таъминлаш борасида кенг кўламли чора-тадбирлар амалга оширилмоқда. Шу жумладан 5 та муҳим ташаббуснинг 2-ташаббуси “Ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратиш” мақсад қилинган. Бу борада ички ишлар органлари ёш ходимлари ўртасида ҳам оммавий спортни ривожлантириш, уларнинг жисмоний фаолликларини янада ошириш, ходимлар ўртасида соғлом турмуш тарзини тарғиб қилиш ҳамда Ички ишлар вазирининг ҳамда вилоят ички ишлар бошқармаси бошлиғининг “ички ишлар органларининг ёш ходимлари ва ҳарбий хизматчилари ўртасида соғлом рақобат муҳитини кучайтириш орқали ёш истиқболли ёш кадрларни аниқлаш ҳамда ёш ходимларнинг бўш вақтини мазмунли ташкил этиш, иқтидор ва қобилиятларини янада қўллаб-қувватлашга қаратилган “Беш ташаббус олимпиадаси”нинг 2024 йилги мавсуми алоҳида календар-режа асосида ташкил этилиши ва ўтказилиши юзасидан тасдиқланган тегишли фармойишига асосан, сузиш спорт тури бўйича ходимларни саралаш ва иқтидорлиларини танлаб олиш мақсадида, вилоят ички ишлар органларида хизмат олиб бораётган ходимлар ўртасида “Сузиш” спорт тури бўйича мусобақа ташкил этилди.

Ташкил этилган ушбу мусобақаларда вилоят ички ишлар бошқармасининг соҳавий хизматлари ҳамда барча шаҳар-туман ички ишлар бўлимлари ёш ходимларидан ташкил топган жамоалари иштирок этишди.

Учрашув якунида бошқарма бошлиғи ўринбосари подполковник Шерзод Шадиев сўзга чиқиб, бугунги кунда муҳтарам Президентимиз томонидан ички ишлар органлари тизимига яратилаётган шарт-шароитлар ҳақида тўхталиб, ўтказтилган ушбу мусобақада ғолибликни қўлга киритган жамоаларни табриклаб, ғолиб ва совриндорларни вилоят ИИБ бошлиғининг диплом ҳамда қимматбаҳо эсдалик совғалари билан тақдирлади.