15-октябрь "Халқаро қишлоқ аёллари куни"
Қишлоқ аёллари ҳар жабҳада фаол, ташаббускор. Бугунги қишлоқ аёли фақат сигир соғиб, нон ёпишдан бўшамайдиган аёл эмас. Унинг қарашлари турмуш тарзи, орзу-истаклари ва дунёқараши ўзгарган. Қишлоқ аёли фермер, тадбиркор, хусусий корхона, мактаб, боғча, шифохона раҳбари.
Сана муносабати билан Сурхондарё вилояти бўйлаб қишлоқ ҳудудида илғор аёллар сафида меҳнат қилаётган хотин-қизлар ҳолидан хабар олинмоқда, мутасаддилар томонидан совғалар улашилиб эътироф этилмоқда.
Ана шундай тадбирлардан бири Жарқўргон туманидаги Хайруллохон Ф/Хда бўлиб ўтди. Унда вилоят Оила ва хотин-қизлар бошқармаси бош мутахассиси И.Полвонова, Аёлларни реаблитация қилиш ва мослаштириш маркази раҳбари М.Хафизова, вилоят ИИБ ЖХХ ҲПБ бошлиғи ўринбосари Ў.Эшимова ҳамда туман ҳокими ўринбосари М.Мустановалар иштирок этишди.
