15-oktabr "Xalqaro qishloq ayollari kuni"
Qishloq ayollari har jabhada faol, tashabbuskor. Bugungi qishloq ayoli faqat sigir sog‘ib, non yopishdan bo‘shamaydigan ayol emas. Uning qarashlari turmush tarzi, orzu-istaklari va dunyoqarashi o‘zgargan. Qishloq ayoli fermer, tadbirkor, xususiy korxona, maktab, bog‘cha, shifoxona rahbari.
Sana munosabati bilan Surxondaryo viloyati bo‘ylab qishloq hududida ilg‘or ayollar safida mehnat qilayotgan xotin-qizlar holidan xabar olinmoqda, mutasaddilar tomonidan sovg‘alar ulashilib e’tirof etilmoqda.
Ana shunday tadbirlardan biri Jarqo‘rgon tumanidagi Xayrulloxon F/Xda bo‘lib o‘tdi. Unda viloyat Oila va xotin-qizlar boshqarmasi bosh mutaxassisi I.Polvonova, Ayollarni reablitatsiya qilish va moslashtirish markazi rahbari M.Xafizova, viloyat IIB JXX HPB boshlig‘i o‘rinbosari O‘.Eshimova hamda tuman hokimi o‘rinbosari M.Mustanovalar ishtirok etishdi.
