Jarqo‘rg‘onda “Ma’naviyat oyligi” doirasida shoir va yozuvchilar bilan uchrashuv bo‘lib o‘tdi
O‘zbekiston Respublikasi Ichki ishlar vazirining 2023-yil 11-apreldagi Ichki ishlar organlarida "Vatanga va xalqqa sadoqat bilan xizmat qilish oliy burchimiz" shiori ostida 1-maydan 31-maygacha "Ma’naviyat oyligi" o‘tkazilayotganligi munosabati bilan joriy yilning 5-may sanasida Jarqo‘rg‘on tumanida shoirlar va yozuvchilar bilan ijodiy uchrashuv o‘tkazildi. Tadbirda O‘zbekiston yozuvchilar uyushmasi Surxondaryo viloyat bo‘limi rahbari M.Ollomurodov, Yozuvchilar uyushmasi a’zosi V.Ermatova, shoir O.Berdiqulovlar ishtirok etishdi.
Ijodiy uchrashuvda "Jadidchilik davri adabiyoti" haqida ma’ruzalar tinglandi. Ko‘plab ijodiy fikr mulohazalar bildirildi. Shuningdek, tadbirni qizg‘in tarzda o‘tkazish maqsadida O.Berdiqulov qalamiga mansub she’rlar Akademik litsey o‘quvchilari tomonidan tadbir ishtirokchilariga o‘qib eshittirildi. Ijodiy uchrashuv yakunida shoir tomonidan Akademik litsey o‘quvchilari kitoblar bilan taqdirlandilar.
