Oila har bir jamiyatning boshlang‘ich bo‘g‘ini hisoblanadi. Oila mustahkam, tinch, halol va pok bo‘lsa, jamiyat ham osoyishta, mustahkam, farovon bo‘ladi. Aksincha, oilalarda parokandalik, buzg‘unchilik bo‘lsa, o‘sha jamiyat buziladi, tinchligi va halovati yo‘qoladi, u oqibatda chuqur tanazzulga yuz tutadi.

Baxtli oilalar tufayli baxtli jamiyat vujudga keladi. Chunki, o‘zaro mehrli bo‘lgan ota-onalarning farzandlari ham bir-birlariga mehribon bo‘ladilar.

Ming afsuslar bo‘lsinki, mana shunday ulug‘ dargoh darz ketishi hozirgi kunda ko‘plab uchramoqda, har kim o‘zini “haqman!”- deb, bilishi oqibatida norasida go‘daklar tirik yetim bo‘lib qolmoqda. To‘g‘ri ba’zi oilalar or, nomus, ibo va hayoning ko‘tarilishi, joiz bo‘lsa hiyonat ortidan shu holga ya’ni ajrim yoqasiga kelib qolayapdi. Lekin boshqa bir arzimas sabablar, oilalardagi arzimagan narsa buyumlar, moddiy boyliklar, ortiqcha orzu-havaslar uchun tortishuvlar ortidan kelib chiqayotgan kelishmovchiliklar bolalarning tirik yetim bo‘lib qolishiga arzirmikan?

Shu va boshqa maqsadga qaratilgan yig‘ilish, Jarqo‘rg‘on tumani hokimligi majlislar zalida bo‘lib o‘tdi.

Ushbu yig‘ilishda, viloyat hokimi o‘rinbosari, oila va xotin-qizlar boshqarmasi  boshlig‘i Z.Xidirova, viloyat IIB Jamoat xavfsizligi xizmati Huquqbuzarliklar profilaktikasi boshqarmasi boshlig‘i o‘rinbosari O‘.Eshimova, tuman hokimi o‘rinbosari, oila va xotin-qizlar bo‘limi boshlig‘i F.Ravshanova ishtirokida ajrim yoqasidagi 21 ta oilalar bilan profilaktik suhbat o‘tkazildi.

Suhbat chog‘ida  4 ta oilaga yarashish uchun muddat berilib, 3 ta oila yarashtirildi.