O‘zbekiston Respublikasi Prezidenti maslahatchisining o‘rinbosari Ulug‘bek Muxammadiev rahbarligidagi ishchi guruhi Surxondaryo viloyatida o‘rganishlar olib bormoqda.
Muzrabot tumanida ishchi guruh a’zosi IIV Ekspert-kriminalistika bosh markazi boshlig‘i polkovnik Saidolim Nuriddinov, tuman hokimi v.b. Bahrom Xidirov va boshqa mutasaddi tashkilotlar vakillari bilan “Yangi hayot” va “Mehnatobod” mahallalari hamda Boysun tumani “Yuqori machay” mahallasida sayyor qabullar o‘tkazildi. Qabulga tashrif buyurgan har bir fuqaro bilan yakka tartibda suhbatlashilib, ularning murojaatlari o‘rganilib, ish yurituviga olindi.
Shuningdek, Muzrabot
tumanida "qizil" toifaga kiritilgan “Bog‘ieram” mahalla fuqarolar
yig‘inidagi kriminogen vaziyatni yaxshilash bo‘yicha amalga oshirilgan profilaktik
chora-tadbirlar, mahalla yettiligi faoliyati o‘rganilib, amalga oshirilgan
ishlar muhokama qilindi.
Muzrabot tumanidagi ijtimoiy soha ob’ektlari holati, ichki yo‘llar, ichimlik suvi ta’minoti va elektr ustunlarni ta’mirlash hamda qabristonlarni obodonlashtirish masalalari bo‘yicha aholini murojaatlari joyiga chiqilgan holda mahallalar kesimida o‘rganildi.
