O‘zbekiston Respublikasi mustaqilligining 33 yilligi bayrami munosabati bilan Termiz shahridagi otaliqqa olingan yoshlar muammolari o‘rganilib, ularga bayramona kayfiyat ulashildi.
“Bir bo‘lsak – yagona
xalqmiz, birlashsak – Vatanmiz!” shiori ostida o‘tkazilayotgan Mustaqilligimizning
33 yillik bayrami munosabati bilan bugun Termiz shahar IIB boshlig‘ining
Ma’naviy-ma’rifiy ishlar bo‘yicha o‘rinbosari podpolkovnik M.Bozorov hamda
Termiz shahar Ma’rifat MFY yoshlar yetakchisi O.Irnazarovlar tomonidan Ma’rifat
mahallasida istiqomat qilib kelayotgan Termiz shahar IIB tomonidan otaliqqa olingan
ishsiz, og‘ir toifadagi, jinoyatchilikka moyil yoshlarning muammolarini o‘rganish,
vaqtincha ishlash maqsadida xorijiy davlatlarga ketganlarning oila a’zolari holidan
xabar olish hamda bayram bilan tabriklash maqsadida, ushbu xonadonlarga borishdi.
Xonadon egalari bilan dildan suhbatlar
qurilib, ularning muammolari o‘rganildi.
Shuningdek, Mustaqilligimizning 33 yillik bayrami munosabati bilan bayram
“Tabriknomalari” ulashildi.
