Bu yil mustaqilligimizning 33 yillik bayrami «Bir bo‘lsak – yagona xalqmiz, birlashsak – Vatanmiz!» shiori ostida o‘tkazilmoqda.

Ushbu sana munosabati bilan  Surxondaryo viloyati Ichki ishlar boshqarmasi shaxsiy tarkibi o‘rtasida ham o‘zgacha ajib shukronalik va yurtga daxldorlik hissi bilan nishonlandi.

Boshqarma binosida o‘tkazilgan bayram tadbiri video-selektor tarzida nishonlanib, unda viloyat IIB boshlig‘i polkovnik Ismailov Timur Kamalatdinovich ishtirok etdi.

Dastlab, sahnaga O‘zbekiston Respublikasining Davlat bayrog‘i tantanali ravishda olib kirilib, Davlat madhiyasi ijro etildi.

Shundan so‘ng, boshqarma boshlig‘i tomonidan ichki ishlar sohasi xodimlariga, xizmat vaqtida halok bo‘lgan xodimlarning oila-a’zolariga, faxriylariga, professor o‘qituvchi va murabbiylariga O‘zbekiston Respublikasi Ichki ishlar vaziri tomonidan yo‘llagan bayram tabrigini o‘qib eshittirib, o‘zining ezgu tilaklarini izhor etdi.

Tantanali bayram tadbiri marosimida, xalqimiz osoyishtaligini, qonun ustuvorligi va tinchligini ta’minlash, jamoat tartibini mustahkamlash borasidagi sharafli burchini bajarish chog‘ida mardlik, jasorat va fidoyilik ko‘rsatgan, sohada yuqori malakali kadrlarni tayyorlash, yosh avlodni ona Vatanga muhabbat va sadoqat ruhida tarbiyalash yo‘lidagi ko‘p yillik samarali mehnati hamda ijtimoiy hayotdagi faol ishtiroki uchun bir guruh Ichki ishlar organlari xodimlari O‘zbekiston Respublikasi mustaqilligining 33 yilligi munosabati bilan davlat, vazirlik hamda ichki ishlar boshqarmasi boshlig‘ining idoraviy mukofotlari tantanali ravishda topshirildi.

Shuningdek marosimda, Surxondaryo viloyati Ichki ishlar boshqarmasi shaxsiy tarkibi o‘rtasida sog‘lom raqobat muhitini shakllantirib, eng iste’dodli va istiqbolli kadrlarni aniqlash, ularni munosib rag‘batlantirish va qo‘shimcha ravishda qo‘llab-quvvatlash maqsadida, o‘tkazilgan “Eng yaxshi hududiy ichki ishlar organi boshlig‘i”, “Eng yaxshi profilaktika inspektori”, “Eng yaxshi tergovchi” hamda “Eng yaxshi tezkor xodim” ko‘rik tanlovi g‘oliblari, shu bilan birga Ichki ishlar organlarida o‘zining samarali xizmati bilan alohida namuna ko‘rsatayotgan xodimlar vazirlik idoraviy ko‘krak nishonlari, maxsus unvoni, boshqarma boshlig‘ining pul hamda qimmatbaho sovg‘alari bilan taqdirlandi.

Albatta Davlatimiz hamda Ichki ishlar vazirligi rahbariyati tomonidan berilayotgan bunday yuksak e’tibor va g‘amxo‘rlik har bir ichki ishlar organi xodimiga katta mas’uliyat bilan birga, tunu kun o‘z ustida ishlash, jamoat va fuqarolar xavfsizligini ta’minlash borasida bor kuch-g‘ayratini bag‘ishlashga undaydi.