O‘zbekiston Respublikasi IIV Madaniyat saroyi qo‘shiq va raqs ansambli tomonidan Surxondaryoda konsert dasturi tashkil etildi
O‘zbekiston Respublikasi IIVning 2024 yil 20
fevral
kunidagi tegishli farmoyishi
talablari ijrosini ta’minlash maqsadida, Ichki ishlar vazirligi Madaniyat saroyi
qo‘shiq va raqs ansamblining xushovoz xonandalari
va so‘z ustalari ishtirokida konsert dasturi o‘tkazilishi rejalashtirilgan.
Shu asosda Ichki ishlar organlarida xizmat qilayotgan san’atkorlar, xonanda
va sozandalar hamda badiiy so‘z ustalari ichki ishlar organlari xodimlari tomonidan
xizmatni o‘tash vaqtida vafot etgan xodimlarning oila a’zolari, nogiron bo‘lib qolgan
xodimlar hamda faxriylarni moddiy va ma’naviy qo‘llab-quvvatlash maqsadida, konsert
dasturlari o‘tkazilib kelinmoqda.
Xuddi shunday Konsert dasturlari joriy yilning 3-aprel kuni Surxondaryo
viloyatining Qiziriq hamda Muzrabot tumanlarining markaziy o‘yingohlarida tashkil
etildi.
O‘tkazilgan konsert dasturida O‘zbekistonda xizmat ko‘rsatgan elimizning
hushovoz san’atkor xonandalari hamda so‘z ustalari tomonidan ijro etilgan kuy qo‘shiqlari,
dil tortar navolari-yu, hangomalari konsert dasturiga tashrif buyurgan tomoshabinlarning
olqishiga sazovor bo‘ldi.
Konsert dasturi yakunida, O‘zbekiston Respublikasi IIV Madaniyat saroyi
boshlig‘i podpolkovnik U.Tillaev boshchiligidagi san’atkorlar hamda Surxondaryo
viloyati ichki ishlar boshqarmasi rahbariyati, xizmat vaqtida halok bo‘lgan xodimlarning
oila a’zolari va farzandlari bilan dildan suhbat qurishib, ularga sovg‘a salomlar
ulashishdi.
Xalqimizning madaniy va ma’naviy hordiq chiqarishlari
uchun o‘tkazilayotgan konsert dasturi davom etmoqda.
