2024 yilning 13 fevral kuni IIV Akademiyasi 1 va 2-o‘quv kurslarida tahsil olayotgan kunduzgi ta’lim kursantlar bilan onlayn mahorat darsi o‘tkazildi.

Onlayn tarzida o‘tkazilgan mahorat darsida, Surxondaryo viloyati IIB boshlig‘i o‘rinbosari podpolkovnik Sh.F.Shadiev, boshqarma Jamoat xavfsizligi xizmati Huquqbuzarliklar boshqarmasi boshlig‘i o‘rinbosari podpolkovnik Sh.P.Xudoyberiev, Boshqarma Tezkor qidiruv xizmati Jinoyat qidiruv boshqarmasi uyushgan jinoyatchilikka qarshi kurashish bo‘limi katta tezkor vakili mayor S.M.Jo‘raev, boshqarma Tergov boshqarmasi boshlig‘i o‘rinbosari podpolkovnik S.P.Rashidov, IIV Akademiyasi boshlig‘ining maslahatchisi polkovnik I.I.Ximmatov, IIV Akademiyasi magistraturasi tinglovchilari va kunduzgi ta’lim kursantlari ishtirok etishdi.

IIV Akademiyasi boshlig‘i tomonidan tasdiqlangan taqsimot jadvaliga asosan Hududiy ichki ishlar organlari boshliqlari tomonidan IIV Akademiyasi professor-o‘qituvchilari, magistratura tinglovchilari va kunduzgi ta’lim kursantlari bilan O‘zbekiston Respublikasining “Huquqbuzarliklar profilaktikasi to‘g‘risida”gi qonunining 35-moddasida ko‘rsatilgan huquqbuzarliklarni sodir etgan shaxslarni “Profilaktik hisob”ga olishda eng ko‘p yo‘l qo‘yilayotgan kamchiliklar. Tashabbus bilan aniqlanadigan jinoyatlar, ularni aniqlashda yuzaga kelayotgan to‘siqlar. Jinoyat va huquqbuzarlik sodir etishda gumon qilingan shaxslarni ushlab turish tartibi, ularni ushlab turishda yo‘l qo‘yilayotgan kamchiliklar va natijada xodimlarga nisbatan qo‘llanilayotgan jazo choralari (misollar bilan) mavzularida masster klass mahorat darslarida o‘z aksini topgan.

O‘tkazilgan masster klass mahorat darsida viloyat Ichki ishlar boshqarmasi mutasaddi xodimlari tomonidan mavzuga oid ma’ruzalar qilindi va amaliyotda uchrayotgan holatlar yuzasidan aniq misollar keltirildi.

Masster klass mahorat darsida kursantlar o‘zlarini qiziqtirgan savollariga mutaxassislar tomonidan javoblar olishdi.