19 Aprel 2024 yil
274
O‘zbekiston Respublikasi IIV amaliyotchi kursantlari jismoniy tayyorgarlik sinov imtihonlaridan o‘tishdi
Surxondaryo viloyati Ichki ishlar
boshqarmasi Sport maydonida O‘zbekiston Respublikasi Ichki ishlar vazirining
2019 yil 30 sentabr kunidagi “Ichki ishlar vazirligi Akademiyasi kursant va tinglovchilarining
ichki ishlar organlarida amaliyotlarini tashkil etish to‘g‘risida”gi buyrug‘i hamda
viloyat Ichki ishlar boshqarmasi boshlig‘ining 2024 yil 29 yanvar kunidagi tegishli
farmoyishi talablariga asosan, Ichki ishlar vazirligi Akademiyasining kunduzgi ta’lim
3-o‘quv kursi kursantlaridan jismoniy tayyorgarlik sinovlari qabul qilindi.
Bunda kursantlar to‘singa
tortinish, anjumanya, 100 metr va 3000 metr masofaga yugurish bo‘yicha sinov imtihonlarini
topshirishdi.
