O‘zbekiston Respublikasi ichki ishlar vazirining joriy yil 6 avgust kunidagi farmoyishi bilan tasdiqlangan “Ichki ishlar vazirligi tizimida “Bir bo‘lsak - yagona xalqmiz, birlashsak-Vatanmiz!” degan bosh g‘oyani o‘zida mujassam etgan tashkiliy-amaliy, ma’naviy-ma’rifiy tadbirlar hamda targ‘ibot-tashviqot ishlari dasturining tegishli bandi ijrosini shuningdek, shaxsiy tarkibning formali kiyim boshlarini o‘rnatilgan tartibda kiyib yurish qoidalariga rioya etishlarini ta’minlash maqsadida, Surxondaryo viloyati IIB apparati xodimalari bilan saf ko‘rigi o‘tkazildi.

Unda xodimalar tomonidan joylarda o‘tkaziladigan bayram sayllarida jamoat tartibi va fuqarolar osoyishtaligini ta’minlashda alohida jonbozlik ko‘rsatishlari zarurligi hamda xizmat intizomi va qonuniylikka qat’iy amal qilishlari bo‘yicha ko‘rsatma va topshiriqlar berildi.     

Saf ko‘rigida shaxsiy tarkibni Vazirlikning 2019 yil 8 avgustdagi “Ichki ishlar organlarida formali kiyim-boshni kiyib yurish qoidalarini tasdiqlash to‘g‘risida”gi  buyrug‘ida belgilangan formali kiyim-boshni kiyib yurish qoidalariga amal qilishlari, tashqi ko‘rinishi, xizmat guvohnomasi, Kasbiy madaniyat va xizmat intizomi kodeksi mavjudligi hamda ularning saf tayyorgarlik darajasiga alohida e’tibor qaratildi.

Aytib o‘tish joizki, o‘tkazilayotgan bu kabi saf ko‘riklari ichki ishlar organlari xodimalarini har tomonlama turli vaziyatlarda xizmatga shay turishlarini ta’minlaydi.