Yangi yil kechasi, bolajonlar uchun ertak qahramonlari bilan qiziq bo'ldi
Kuni kecha, Termiz shahridagi "Qo'g'irchoq teatri"da viloyat ichki ishlar boshqarmasi xodimlarining farzandlari hamda ichki ishlar organlarida xizmat vaqtida halok bo'lgan marhum xodimlarning oila a'zolari va farzanlari uchun "Yangi yil archasi" bayram tadbiri bo'lib o'tdi.
Tashkil etilgan bayram tadbirida, ertak qahramonlari Shum bola, yalmog'iz kapir, O'lmas kashshe, qor malikasi, o'rmon hayvonlari hamda Qorbobo va Qorqiz ijrosidagi spektakl namoyish etilib, bolajonlarning qalbiga bir olam quvonch va shodlik olib keldi.
Bayram tadbiri davomida, boshqarmaning barcha sohaviy xizmatlari hamda Termiz shahar IIB xodimlari, ularning oila a'zolari va farzandlari qatnashib, xodimlarning 200 nafar farzandlariga viloyat ichki ishlar xodimlari Birlashgan kasaba uyushmasi qo'mitasi tomonidan ajratilgan yangi yil sovg'alari topshirildi.
Shuningdek, ichki ishlar organlarida xizmat vazifasini bajarish vaqtida halok bo'lgan 11 nafar marhum xodimlarning 26 nafar farzandlariga "Prezident sovg'alari" tantanali ravishda topshirilib, Qorbobo va Qorqiz kirib kelayotgan yangi 2022 yil bayrami bilan muborakbod etishdi.
