Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy huquqiy yordam ko‘rsatish Markazida saqlanayotgan voyaga yetmaganlar va markaz xodimlarining tibbiy savodxonligini oshirish maqsadida, O‘zbekiston Respublikasi Vazirlar Mahkamasining 84-sonli Qarori va O‘zbekiston Respublikasi Prezidentining 2023 yil 20 yanvardagi PQ 14-sonli Qarorlari mazmun mohiyatiga bag‘ishlangan targ‘ibot tadbiri o‘tkazildi.

Targ‘ibot tadbirida viloyat OITSga qarshi kurashish markazi mutaxassisi R.U.Norquvvatov ishtirok etdi.

Mutaxassis o‘z ma’ruzasida shaxsiy va jamoat gigienasi, sog‘lom turmush tarzini shakllantirish, yuqumli kasalliklarni aniqlash va kasallikning oldini olish hamda voyaga yetmaganlar o‘rtasida erta tug‘ruqning oldini olish, uning salbiy oqibatlari yuzasidan fikr va mulohazalar yuritdi.

Shuningdek, tadbir davomida OIV infeksiyasi profilaktikasi mavzusida vediorolik namoyish etilib, axborot tarqatma materiallari ham tarqatildi. Bundan tashqari hozirgi kunda dolzarb mavzuga aylangan OIV infeksiyasi kelib chiqishi, yuqish yo‘llari, asoratlari va profilaktikasi to‘g‘risida to‘liq ma’lumotlar berib o‘tildi.

Tadbir so‘ngida voyaga yetmaganlar o‘z fikr va mulohazalarini bildirib, mavzuga oid o‘zlarini qiziqtirgan savollariga javoblar olishdi.