Vohaga tashrif buyurayotgan xorijlik hamda mahalliy sayyohlarning xavfsizligi ta’minlanmoqda.
Surxondaryo viloyati IIB Xavfsiz turizmni ta’minlash boshqarmasi
xodimlari viloyatimizga tashrif buyurayotgan sayyohlarning xavfsizligini ta’minlash
bilan bir qatorda, sodir etilishi mumkin bo‘lgan ko‘ngilsiz holatlarning barvaqt
oldini olish bo‘yicha turizm namoyishi ob’ektlarida va u yerda xizmat olib borayotgan
xodimlar o‘rtasida profilaktik tadbirlarni amalga oshirib kelishmoqda.
Asrlar davomida xalqimizga xos mehr-oqibat, xayr-saxovat
kabi ezgu umuminsoniy qadriyatlarni namoyon etib kelayotgan Qurbon hayiti” kuni
va qo‘shimcha dam olish kunlarida turizm namoyishi ob’ektlariga tashrif buyuruvchi
xorijiy va mahalliy sayyohlar xavfsizligini ta’minlash maqsadida ziyoratgohlar va tarixiy qadamjolarda yaratilgan
sharoitlar nazorat tartibida o‘rganilib chiqilmoqda.
Bunday tadbirlarni amalga oshirishdan
asosiy maqsad, viloyatga tashrif buyurayotgan xorijlik hamda mahalliy sayohlarning
mazmunli dam olishini, madaniy xordiq chiqarishini, eng muhimi xavfsizligini ta’minlashdan
iboratdir.
